新聞類別
財經
詳情#
【明報專訊】噚日立法會金融服務界議員張華峰（圖）請傳媒食春茗，傾起監管機構唔肯開綠燈，畀阿里巴巴用同股不同權方式主板上市，張生就建議畀佢去創業板上，打造港版NASDAQ咁話﹗
佢話：「創業板都要遵守同股同權嘅規則，但要修例嘅話，阻力會比主板小啲。」但係，畀阿里巴巴上咗市，其他創業板公司仲有得玩？「咁唔止佢一間公司嘅，好多科網公司都有（上市）需求」。佢話阿里如果成功上到，有助提升創業板質素，仲可以吸引更多科網股嚟香港上市喎﹗不過張生仍然反對主板實施同股不同權。
修例阻力較主板小
阿里一日未上到市，大家只好得個恨字，或者買下騰訊（0700）。大家問張生有冇買，佢話2005年去城大讀EMBA時，認識咗騰訊財務總監曾振國，對方建議佢入貨，於是就買咗少少。大家當然追問佢幾錢買，張生沉吟幾秒後話︰「5個幾時買咗。」現場即時「嘩」聲四起。不過佢補充，升一倍後已賣咗，後來都有買下沽下咁，但過咗300蚊就冇再買。張生，做乜唔問吓人哋CFO意見先沽貨呀﹗走寶喇﹗
最近港交所行政總裁李小加一心想將停板機制引入香港，張生話，其實小加入咗港交所後，幾年來做咗唔少改革，但港股成交量同埋股市，都冇咩進步，所以經紀業界仲評估緊佢個改革係咪正確，寄語小加要自我檢討吓。
[小琴密語]
佢話：「創業板都要遵守同股同權嘅規則，但要修例嘅話，阻力會比主板小啲。」但係，畀阿里巴巴上咗市，其他創業板公司仲有得玩？「咁唔止佢一間公司嘅，好多科網公司都有（上市）需求」。佢話阿里如果成功上到，有助提升創業板質素，仲可以吸引更多科網股嚟香港上市喎﹗不過張生仍然反對主板實施同股不同權。
修例阻力較主板小
阿里一日未上到市，大家只好得個恨字，或者買下騰訊（0700）。大家問張生有冇買，佢話2005年去城大讀EMBA時，認識咗騰訊財務總監曾振國，對方建議佢入貨，於是就買咗少少。大家當然追問佢幾錢買，張生沉吟幾秒後話︰「5個幾時買咗。」現場即時「嘩」聲四起。不過佢補充，升一倍後已賣咗，後來都有買下沽下咁，但過咗300蚊就冇再買。張生，做乜唔問吓人哋CFO意見先沽貨呀﹗走寶喇﹗
最近港交所行政總裁李小加一心想將停板機制引入香港，張生話，其實小加入咗港交所後，幾年來做咗唔少改革，但港股成交量同埋股市，都冇咩進步，所以經紀業界仲評估緊佢個改革係咪正確，寄語小加要自我檢討吓。
[小琴密語]
留言 (0)
