新聞類別
財經
詳情#
【明報專訊】官司纏身嘅楊家誠（圖）前日宣布辭去伯明翰環球（2309）主席同執董一職，噚日佢現身伯明翰環球股東特別大會，吸引多間中外媒體到場採訪。可能楊生唔想同傳媒見面，打算靜雞雞提早離場，佢雖然成功落樓行到大堂座駕附近，可惜司機仲未到，焗住畀記者圍住影相，楊家誠面露不悅，開口叫「畀條路人行吓啦！」，又反問記者「仲影，影夠啦」。他登車離開前都未有回應任何有關官司、辭任主席嘅問題，只係被問到會否減持股份時，回應一句「增持！點會減持？」
伯明翰今復牌
楊家誠被控洗黑錢案今月28日宣判，前程難料，不過伯明翰環球管理層對於公司就相當樂觀，首席執行官Peter Pannu股東會後就話，有信心可以短時間之內復牌，又形容公司新主席好有經驗，球會前途一片光明咁話。話口未完，伯明翰尋晚就發通告，宣布今日復牌。
股東會中途發生一段小插曲，有位自稱是股東劉星成妻子指摘楊家誠剝奪佢嘅投票權，睇番港交所資料顯示，劉星成持有4.53億股或者11.66％。不過，小琴聽Peter Pannu講，按程序個位劉姓股東可以親自現身股東會，或在召開股東特別大會前48小時，填寫好委任代表表格交回過戶處。但涉及代表劉姓股東嘅兩名女士，均未有喺指定48小時前將表格交回過戶處，未有依足指定程序先至唔能夠投票。
email: piano@mingpao.com
[小琴密語]
伯明翰今復牌
楊家誠被控洗黑錢案今月28日宣判，前程難料，不過伯明翰環球管理層對於公司就相當樂觀，首席執行官Peter Pannu股東會後就話，有信心可以短時間之內復牌，又形容公司新主席好有經驗，球會前途一片光明咁話。話口未完，伯明翰尋晚就發通告，宣布今日復牌。
股東會中途發生一段小插曲，有位自稱是股東劉星成妻子指摘楊家誠剝奪佢嘅投票權，睇番港交所資料顯示，劉星成持有4.53億股或者11.66％。不過，小琴聽Peter Pannu講，按程序個位劉姓股東可以親自現身股東會，或在召開股東特別大會前48小時，填寫好委任代表表格交回過戶處。但涉及代表劉姓股東嘅兩名女士，均未有喺指定48小時前將表格交回過戶處，未有依足指定程序先至唔能夠投票。
email: piano@mingpao.com
[小琴密語]
留言 (0)
