反駁陳健民 學民：無諗過打擊佔中

【明報專訊】學民思潮近日積極游說唔同政黨發動「五區公投」，爭取公民提名，而佔領中環發起人陳健民喺前日本報專訪話，雖然欣賞學民仔，但話與學民仔「步伐不同」，憂慮「五區公投會打亂佔中步伐」。學民思潮噚日發表聲明，話從未諗過要打擊佔中運動，認為佢哋提出要立法會議員辭職搞「公投」，可以填補佔中搞電子公投後嘅「運動空窗期」；學民反問陳健民「有辭職公投就沒有電子公投」呢種說法，有無喺商討日討論過，又反問呢個係咪只係陳健民個人意見。


話同戴耀廷溝通良好

學民仔質疑，陳健民話「五區公投」或者會令佔中「停下來」嘅講法，損害咗一直以來泛民主派兼容並包各種方案嘅原則，佢哋又話，一直以來都與佔中三子中嘅戴耀廷保持良好溝通，前兩日仲同戴會面。