港芭終於有新行政總監

【明報專訊】早前發生《紅樓夢》舞劇審查風波嘅香港芭蕾舞團，任命曾喺香港管弦樂團做市場推廣總監嘅譚兆民，擔任舞團新任行政總監，呢個懸空咗差不多5個月嘅管理層高位終於有人接任，譚會喺本月20日履新。譚兆民話，希望可以同舞團全體成員合作，喺本地同海外市場開拓更廣觀眾層面，仲話舞團「本身就係一個精彩故事」。


懸空5個月 譚兆民月中履新

譚兆民現職香港國際文學節總經理，主要管理文學節營運項目，包括節目策劃同籌務等。佢有藝術學士學位，主修鋼琴演奏同作曲，仲係同校嘅藝術行政工商管理碩士，加上佢家係香港藝術行政人員協會主席，相信對藝術管理都甚有經驗。


港芭管理層自2008年起經常更替，除咗時任行政總監麥素賢（Stacey Morse）、藝術總監米瀚文（John Meehan）先後提早離職，又爆出董事局私自辭退首席舞蹈員梁菲，跟住接替嘅行政總監徐嘉鳴同葉思芬喺幾年間相繼「起身」，唔知譚兆民會唔會覺得呢個位真係好有挑戰呢？