民企之父帶挈 中盈市值漲23%

【明報專訊】「張化橋」呢三隻字值幾錢？對於中盈國金資源（0766）來講，呢三隻字半日間就足以令佢市值升4000萬。中盈國金資源噚日中午公布，即日起委任有「民企之父」美譽的張化橋為公司嘅企業管理顧問，該公司股價晏晝即時坐火箭狂升三成，最終以23%嘅升幅收市。


獲委顧問 市值半日漲4000萬

公告稱張化橋嘅任期為期一年，將為公司及董事會提供整體企業管治嘅建議。早年任職瑞銀、深控（0604）嘅張化橋，近年致力於推廣小額貸款產業，不但自己創立「慢牛資本」投資小額貸款企業，仲積極出書及擔任多間民企的非執董。呢啲經驗都逐步令張化橋嘅「顧問身價」大升。噚日中盈國金資源嘅市值由1.7億元大升至2.1億元，張化橋就嚟從「民企之父」變「民企搖錢樹」啦！