新聞類別
財經
詳情#
【明報專訊】近排有兩位香港財經界名人，都不甘寂寞，先後重出江湖。繼前任財政司長梁錦松宣布加入南豐做CEO後，佢大學同學兼老友馬時亨都唔執輸，加入「小小超」李澤楷旗下嘅富衛保險，做獨立非執董。小小超搵咗港交所（0388）前主席夏佳理做富衛主席，又搵多一隻「老馬」，路邊社消息人士估計，係為上市鋪路。
富衛猛人雲集 夏佳理做主席
查實自從小小超入主富衛後，富衛上市嘅傳聞一直無停過。10月底富衛宣布委任夏佳理做主席後，隔兩日即有傳小小超會將富衛注入盈大地產（0432），盈大當時勁升三成，仲要即刻停牌澄清。今次搵馬時亨入局，仲同時宣布，瑞士再保險收購富衛12.3%股權的初步投資協議，已獲得監管機構批准。搵完猛人入局，再搵投資者，你話唔係上市，都無人信啦！
馬時亨人脈廣博，曾經做過9家上市公司獨董，包括港鐵（0066）等大藍籌。佢曾經喺2001年加入電盈（0008）董事會，之後又加入過和黃（0013）旗下赫斯基能源同和記港口信託，同小小超及李家可謂淵源甚深。
email: piano@mingpao.com
富衛猛人雲集 夏佳理做主席
查實自從小小超入主富衛後，富衛上市嘅傳聞一直無停過。10月底富衛宣布委任夏佳理做主席後，隔兩日即有傳小小超會將富衛注入盈大地產（0432），盈大當時勁升三成，仲要即刻停牌澄清。今次搵馬時亨入局，仲同時宣布，瑞士再保險收購富衛12.3%股權的初步投資協議，已獲得監管機構批准。搵完猛人入局，再搵投資者，你話唔係上市，都無人信啦！
馬時亨人脈廣博，曾經做過9家上市公司獨董，包括港鐵（0066）等大藍籌。佢曾經喺2001年加入電盈（0008）董事會，之後又加入過和黃（0013）旗下赫斯基能源同和記港口信託，同小小超及李家可謂淵源甚深。
email: piano@mingpao.com
留言 (0)
