新聞類別
財經
詳情#
【明報專訊】早排由私人銀行及財富管理公司Coutts同中大合作嘅國際百萬美元善長報告（香港區），噚日公布調查結果，響去年本港總共有47位善長人翁先後捐出104筆100萬美元（折合780萬港元）或以上嘅捐款，總額達到成8.77億美元（68.4億港元），即係平均每位善長捐咗近1.5億。
咁呢68億嘅善款又捐咗去邊？調查結果顯示，有差唔多三分之一，即係成22億係俾咗本港嗰啲基金會，而其中最大一筆捐款，係來自本港慈善富商田家炳捐毗畀以佢名義成立嘅田家炳基金會。
小琴翻查資料，今年94歲高齡嘅田老先生一直盡心於香港同內地教育，之前已經捐盡八成身家，响中港兩地起咗200幾間中小學校，舊年6月，佢再將名下僅餘嘅資產，即係4座田氏工貿大廈捐埋畀田家炳基金會，嗰4座物業當時估值有成20億，而田老先生只係留低小量養老金自用，名副其實盡獻家財。如果Coutts同中大個報告所指最大額捐款就係呢20億，即係話嗰68億善款入面，田老一個人所捐已經佔咗總額近三分之一。
除咗香港區之外，Coutts亦響美國、英國、俄羅斯、中國同中東做咗同樣研究，總計6個地區去年100萬美元以上捐款嘅總額有190.6億美金（1486.68億港幣元），善長人翁共1249位。
email: piano@mingpao.com
咁呢68億嘅善款又捐咗去邊？調查結果顯示，有差唔多三分之一，即係成22億係俾咗本港嗰啲基金會，而其中最大一筆捐款，係來自本港慈善富商田家炳捐毗畀以佢名義成立嘅田家炳基金會。
小琴翻查資料，今年94歲高齡嘅田老先生一直盡心於香港同內地教育，之前已經捐盡八成身家，响中港兩地起咗200幾間中小學校，舊年6月，佢再將名下僅餘嘅資產，即係4座田氏工貿大廈捐埋畀田家炳基金會，嗰4座物業當時估值有成20億，而田老先生只係留低小量養老金自用，名副其實盡獻家財。如果Coutts同中大個報告所指最大額捐款就係呢20億，即係話嗰68億善款入面，田老一個人所捐已經佔咗總額近三分之一。
除咗香港區之外，Coutts亦響美國、英國、俄羅斯、中國同中東做咗同樣研究，總計6個地區去年100萬美元以上捐款嘅總額有190.6億美金（1486.68億港幣元），善長人翁共1249位。
email: piano@mingpao.com
留言 (0)
