美荷樓生活館 重現「臭廁」閣仔

【明報專訊】石硤尾美荷樓周四起正式轉為青年旅舍（詳見A27），除背包客有多個選擇外，昔日居民又多個聚腳點，皆因美荷樓1950年代興建，當年居民由細住到老，對美荷樓特別有感情。

為呈現當年公屋生活面貌，美荷樓地下同埋1樓有4個單位改建為「美荷樓生活館」，除展出當年生活物品，最特別係館內模仿1950至70年代公屋環境，重建番公共廁所、浴室、走廊、廚房出，場景逼真，Emily入到去仲以為回到舊時。

當年320人用6廁格

1954年入住美荷樓23年首批居民歡姐憶述，佢5歲入住，對美荷樓公廁已有深刻印象，當年每層有6個廁格，男女各3格，但每層最少有320人入住，因廁格無人定期清理，而且水箱成日壞無得廁，去廁所真係好痛苦，經常遍地「黃金」，居民如廁唯有用報紙疊上去，一層疊一層，朕臭味真係難以忘記。

另外，時每個單位只有120平方呎，一家五六個人住，平均每人20幾呎，所以好多父母都會搭建閣仔畀小朋友覺或擺雜物，館內都有呈現。

林鄭重遊 唔怕被話

有份推動項目政務司長林鄭月娥噚日舊地重遊，別有一番感觸，佢致辭時話曾經掙扎唔開幕禮，因為唔想畀人話「霸住」做，但最後說服自己「霸多一次」，原因係美荷樓充滿集體回憶，佢對美荷樓都好依依不捨；搞到之後深水區議會主席郭振華致辭時，都一時口快叫林鄭做發展局長，令全場拍手大笑。