陳淨心彈譚耀宗

【明報專訊】Emily噚日見到內地《人民日報》屬下《環球時報》專訪撐政府嘅愛護香港力量召集人陳淨心，訪問中除咗平時都會聽到嘅說話，如斥責泛民係政棍嗰類之外，唔知係咪可以登上內地傳媒，所以今次淨心BB連建制派都踩埋。陳淨心喺訪問入面，直指傳統建制派形象太古板，在年輕人中沒有吸引力，仲點名話民建聯主席譚耀宗係「西裝革履的形象」。


仍盼向中聯辦反映意見

另外，之前另一「愛字頭」組織「愛港之聲」，同淨心嘅「愛港力」割蓆，佢喺訪問入面都話大家「道相同，但不相與謀」，並諷對方係「打不還口、罵不還手」。咦，乜唔係「打不還手、罵不還口」咩？


至於之前陳淨心去中聯辦門外想遞請願信但中聯辦拒收，當時令陳淨心雙眼通紅，佢仍然唔死心，喺訪問話希望同中聯辦取得聯繫，仲話要「把對於香港政治、社會發展的意見反映給中聯辦」。