壓力爆煲 小學生拳打父母

【明報專訊】小學生4個有3個都話有壓力！有機構早前做咗個「學童開學心情壓力指數」問卷調查，訪問咗513個小一至小六學生，了解佢哋開學前嘅心情同壓力。個報告話有超過兩成小學生有好嚴重嘅壓力，「有些壓力」同有「輕微壓力」嘅就分別有兩成四同三成。


新領域潛能發展中心培訓經理羅俊瑋仲話畀Emily知，之前有個讀初小嘅男仔，因為父母畀咗太大壓力佢，個男仔唔識表達自我情緒，亂咁發脾氣，仲郁手揮拳打父母。


呢個問卷調查仲提到，小學生主要嘅壓力嚟自學習進度唔理想，第二係父母嘅期望，第三就係擔心畀同學仔蝦。最後問佢哋新學年有啲乜嘢期盼，佢哋第一樣揀要成績好，第二樣竟然係學校嘅嘢食有更多選擇同更好味！唔知學校改善一下小賣部食物，會唔會幫到小學生減壓呢？