裴勇俊前女友玩購物王賽

【明報專訊】旅發局搞嘅香港購物王已經第四屆，請咗韓國、台灣、馬來西亞等9個地方嘅明星，同一個佢哋自己揀嘅「HK super fan」組隊參加，裴勇俊前女友李思康都有份。Emily睇過個玩法，初賽要喺今朝11點至夜晚9點完成8個任務，每個任務都要用大會提供嘅線索搵check point，例如搵某個電影中出現過嘅地方，然後影張相放上Instagram打卡。


有參賽者唔識睇中文，喺香港搵路唔易，但可以上Twitter問人同問路人囉，最快完成任務嘅3隊，聽日會入決賽，再用指定金額買齊指定嘅嘢，贏咗會有20萬信用卡簽帳！

除咗裴勇俊舊愛李思康，台灣代表有《冒險王》第五代主持人惟毅。至於嚟參賽嘅馬來西亞代表Aaron Mustapha Aziz，就大讚香港易搵清真食物，仲話香港的士司機好好客。