田少搭港鐵 只搭一個站

【明報專訊】平時開法拉利自由黨黨魁田北俊，噚日由中環搭一個站港鐵去金鐘，仲同記者玩自拍。話說噚日自由黨皇后像廣場開記者會，反對佔領中環行動，著晒西裝戶外企大半個鐘田少，自然搞到成身汗，於是就話要搭港鐵返立法會，唔行路喇。

返立會拎車 怕熱費事行

周一立法會無乜特別會議，有記者問田少，搭港鐵返立法會做咩呢？田北俊就好坦白咁話，只係去立法會拎番架車走人。田少自言其實自己經常搭港鐵，亦有個人八達通，最常去通常係由尖沙嘴搭去中環、金鐘一帶，如果要去柴灣「咁遠」，就梗係唔會搭港鐵啦。