董建華變飲宴寵兒

【明報專訊】香港友好協進會噚晚舉行邁向25周年暨第7屆董事會就職禮，友好協進會作為全港財力最雄厚嘅親中組織，喺會展嘅就職禮，菜單算簡約，抽獎禮物就好豪，有銀行禮券2.4萬蚊同iPad mini，仲有成套高爾夫球杆。


被來賓捉住影相

晚宴冠蓋雲集，中聯辦主任張曉明、署理特首林鄭月娥等出席，但論到受歡迎，一定係全國政協副主席董建華（圖左），唔少來賓同佢合照，搞到董先生幾乎無時間坐低食飯。


Emily見到董先生清減咗唔少，董太董趙洪娉（圖右）瘦咗一個碼，仲整咗個新髮型。董生話，退休後都好忙，但常做運動，所以瘦咗。但正當Emily想問政事時，董生就立即封口，不在其位，不謀其政。