立法會教路搵基本法文憲

【明報專訊】今年係《基本法》頒布25周年，立法會秘書處噚日就舉行咗一個傳媒工作坊，教吓大家可以點樣運用立法會憲制圖書館嘅基本法館藏，搵出同查閱有關基本法重要資料，包括咗基本法起草委員會同諮詢委員會嘅文件。而家立法會憲制圖書館仲舉行緊基本法文件展覽，市民如果有興趣了解當年基本法起草嗰陣有無提過公民提名，可以去睇吓展覽。


數碼化文件 圖晝館網頁可查閱

而且，立法會圖書館亦將基本法相關嘅文件數碼化，換言之，市民可以透過立法會圖書館嘅網頁檢閱番啲文件。遠到好似基本法起草委員會、諮詢委員會同轄下各個專題小組嘅會議文件，至到近年關於基本法嘅案例摘要、涉及人大釋法嘅案例判辭，都應有盡有，一應俱全。