劉嘉玲嫌偉仔麻煩

【蘋果日報】劉嘉玲昨日在尖沙嘴出席品牌展覽，近日她趁好天氣經常行山：「我之後想行蚺蛇尖，搵埋發仔（周潤發）一齊行，挑戰佢。」近日她兼任老公梁朝偉的經理人，笑言對方要求多很麻煩：「我起碼幫佢收咗十幾個劇本都推晒，真係唔易做，又會畀說話你聽，安排出席活動只去半個鐘。」問到是否曳藝人？她說：「好差啦，將我身份模糊咗，又唔好意思收番佢錢，收咗錢仲煩，面色仲難睇，平時都客氣，依家當正我阿四。」
劉嘉玲希望快點找到合適的經埋人幫偉仔：「我諗人哋聽到佢個名都驚，幫佢推工作要好婉轉，佢要搵啱自己嘅工作，錢引誘唔到佢，呢個係我最欣賞佢嘅地方，有好高尚品德。」
採訪：王連連
攝影：仇志德