復活節捐血有禮物

【明報專訊】「救急扶危，捐血救人」，為咗令各大醫院有新鮮血液畀病人，Emily一直定期每4個月捐血一次。紅十字會宣布，喺3月26日至4月4日復活節期間捐血，仲會送「至潮記事貼」！


每到假期，又係外遊高峰期，捐血人數大幅下跌。紅十字會方面講，過去幾年復活節約有400人捐血，但其實每日要有900人捐血至夠。雖然假期過後捐血人數會反彈，但血同食物一樣，愈新鮮愈好，所以最好當然係有900人捐血啦。


紅十字會為吸引大家捐血，喺復活節捐血嘅人會獲贈「至潮記事貼」（圖）。記事貼有4款，有血小板公仔喺上面，非常可愛。紅十字會送左一套畀Emily，Emily用咗之後當堂覺得人都熱血咗，即刻好想捐血攞多套。