張震遠做多兩年 幫市建過渡

【明報專訊】市區重建局主席張震遠任期會喺4月屆滿，由於佢已經做足6年，根據政府既「六六」規定（每人只可做6個公職、每個公職最長做6年），佢應該退位讓賢。但政壇消息就話，政府認為市建局啱啱先委任咗譚小瑩做新行政總監，如果一時間將主席、行政總監都同時換人，恐怕不利交接，所以決定破例委任張震遠做多兩年主席，直至2015年，等政府有多啲時間考慮。


有熟悉市建局運作嘅消息人士同Emily講，除咗張震遠任期夠6年外，其他資深嘅非執董，包括一批曾做過房委會、好熟悉房策嘅人員，好似陳家樂同吳水麗，仲有學者吳家鎚等，都因為做滿6年會離任，因此未來董事會要面對新舊交替期，張震遠多做兩年會有助過渡。