劉華上位署任局長

【明報專訊】呢個世界就係咁，只要你忍一忍，就會有位上。劉江華失意立法會選舉，本來只能做區議員，最終獲政府邀請入局做政制及內地事務局副局長。


嗱，時機嚟喇，政府噚日宣布，政制及內地事務局長譚志源周日去北京，陪同特首拜訪中央部委及到天津訪問，譚下周三返港，佢離港期間，劉江華署任政制及內地事務局長，一過局長癮。


至於CY梁振英，佢會早譚志源一日、即明日出發去北京，因為CY會應全國人大常務委員會邀請，列席周日舉行嘅第十二屆全國人大第一次會議閉幕禮。


訪京期間，CY會拜訪中央部委。除咗譚志源，財經事務及庫務局長陳家強、保安局長黎棟國亦會去。CY下周三返香港，其間會由政務司長林鄭月娥署理特首職務。