新聞類別
財經
詳情#
【明報專訊】恒隆地產（0101）董事長陳啟宗「牙擦」，成個中環都知，佢每年呢個時候，都會喺恒隆本年報發表佢嘅偉論，小琴年年都追睇，夠膽講句，今年係佢近年最「精彩」嘅一篇致股東函！朗尼陳（陳啟宗洋名Ronnie）開場白都係講吓公司舊年做得幾好幾好，又為宏觀經濟把下脈咁，不贅，但係去到文章中段，佢突然自爆公司同中國政府官員嘅「關係」。
朗尼陳話，「關係」被視為喺內地做生意嘅成功竅門，之不過咁，中國係發展中國家，貪污現象可能比西方發達國家嚟得普遍，所以要更加謹慎明智咁使用「關係」。
從不送昂貴禮品給官員
原來恒隆一路堅持唔會主動接觸政府官員，除非有實際需要，又話喺內地絕不籠絡地方或中央領導人，更從來唔送贈昂貴禮品。佢憶述20年前，有人提議佢接觸一名據講有助土地交易嘅高級政府官員，但嗰次會面畀佢感覺不佳，加上其他原因，最終放棄咗嗰個城市，至今喺該城市都冇發展，而嗰位官員後來因貪污被拉去坐監。
朗尼陳強調，公司絕對唔會為咗達成交易而放棄道德原則、泯沒良知。正當小琴以為故仔已講完，朗尼陳筆鋒一轉，話恒隆喺香港處事手法亦一致，仲舉例話，恒隆係行內少數或唯一明文規定，唔僱用前政府高官嘅地產商。
業內少數或唯一規定不聘高官地產商
Well，香港地請高官嘅發展商，真係俯拾皆是，其中一間家仲搞到一身蟻，朗尼陳呢番話，係攞景定贈興呢？
email: piano@mingpao.com
朗尼陳話，「關係」被視為喺內地做生意嘅成功竅門，之不過咁，中國係發展中國家，貪污現象可能比西方發達國家嚟得普遍，所以要更加謹慎明智咁使用「關係」。
從不送昂貴禮品給官員
原來恒隆一路堅持唔會主動接觸政府官員，除非有實際需要，又話喺內地絕不籠絡地方或中央領導人，更從來唔送贈昂貴禮品。佢憶述20年前，有人提議佢接觸一名據講有助土地交易嘅高級政府官員，但嗰次會面畀佢感覺不佳，加上其他原因，最終放棄咗嗰個城市，至今喺該城市都冇發展，而嗰位官員後來因貪污被拉去坐監。
朗尼陳強調，公司絕對唔會為咗達成交易而放棄道德原則、泯沒良知。正當小琴以為故仔已講完，朗尼陳筆鋒一轉，話恒隆喺香港處事手法亦一致，仲舉例話，恒隆係行內少數或唯一明文規定，唔僱用前政府高官嘅地產商。
業內少數或唯一規定不聘高官地產商
Well，香港地請高官嘅發展商，真係俯拾皆是，其中一間家仲搞到一身蟻，朗尼陳呢番話，係攞景定贈興呢？
email: piano@mingpao.com
留言 (0)
