曾蔭權﹕最掛住錦鯉

【明報專訊】前特首曾蔭權家應該身在台灣旅遊，原來佢之前接受ELLE MEN內地版雜誌訪問，題為〈曾蔭權：不做特首 現在觀鳥〉。呢篇長長訪問中，煲呔透露退休後大部分時間內地生活，家熱中於旅行、觀鳥、攝影、學習希伯來語，但就表明唔會寫回憶錄喇。

厭倦香港「泛政治化」

煲呔話，自己義無反顧地接受香港廉政公署調查，佢話好鍾意香港今日政治環境、香港今日政治文明，但同時厭倦香港家有種「一切泛政治化」趨勢，佢話﹕「這是一個傷害，我們須要克服。」

離開禮賓府，煲呔最掛住以前佢養廿幾條紅錦鯉，佢話知道禮賓府管家照顧得好好，而錦鯉住度已7年，最後決定唔搬走佢，以免對魚唔好。佢好多時間住內地，但周末都會返港一次，主要係睇孫女，仲有陪太太去參加書法約會，除咁，佢仲學打高球、觀鳥，最近迷上黑臉琵鷺，為佢拍唔少相！

另外，煲呔作為虔誠教徒，以前香港日日都會去教堂，但內地去教堂唔方便，香港用5分鐘，但內地就要差不多半個鐘，所以唔能夠每日都去。而煲呔退休後周圍玩，去過美國、加拿大，同屋企人釣魚，亦去過意大利、葡萄牙，仲去英國睇教堂，佢話自己一口氣睇差唔多40個教堂，認真厲害。