《民主歌聲獻中華》城大再現

【明報專訊】相信唔少人對1989年喺跑馬地馬場舉行嘅《民主歌聲獻中華》依然記憶猶新，當年呢場聲援北京民運嘅活動，歷時長達12個鐘頭，共籌得逾千萬港元。事隔24年，《民主歌聲獻中華》將重現香江，但會移師城市大學舉行。


當年《民主歌聲獻中華》喺歌后梅艷芳號召下，娛樂界一呼百應，出席歌星多不勝數。不過，近年唔少歌星為咗北上搵銀，鮮有高調出席政治活動，因此新一次嘅《民主歌聲獻中華》，會由近年積極創作民運歌曲嘅「六四樂隊」擔大旗表演。大家有興趣，不妨喺4月5號下晝5點至10點去城大廣場睇吓。


「六四樂隊」擔大旗

支聯會一直想籌到足夠錢購買會址，成立永久嘅六四紀念館。支聯會副主席蔡耀昌話，目前仲欠200幾萬至達到500萬嘅目標，未來仲要加把勁，而今年嘅臨時六四紀念館都搬咗去城大，最快下月開張。