林鄭函曾鈺成表遺憾

【明報專訊】社民連「長毛」梁國雄之前財爺曾俊華宣讀財政預算案期間，向佢投擲「你呃人」咕，好彩練開功夫曾俊華輕輕彎腰避過一劫。不過，有「高官奶媽」之稱政務司長林鄭月娥似乎睇唔過眼，噚日去信立法會主席曾鈺成，對長毛舉動予以遺憾。

電視直播怕損港形象

林鄭封信中話，公職人員出席立法會會議時，應該享有同議員一樣保障同尊重，唔應該被議員「恐嚇或粗暴對待」。佢仲話，宣讀預算案係一件莊嚴事，整個過程由電視現場直播，認為呢「不檢行為」片段，會損害立法會本港同國際間形象咁話。

曾鈺成就回覆話，當日佢已即時根據《議事規則》要掟長毛離場。長毛就話，講到「遺憾」，其實香港人對財爺都好遺憾，佢認為一個議員代表港人向財爺掟表達「遺憾」冇咩問題，仲話「做官不為民作主，不如回家賣番薯」喎！