阿基唔信民協係一哥

【明報專訊】港大民研計劃噚日公布「十大政團」最新評分，以100分為滿分計，冇任何政團係超過50分，名列榜首嘅民協亦只有49.9分。民協馮檢基就好似唔係太相信呢個結果，仲喺facebook上載改圖，反問話「嘩！係真唔係呀！？」但若總結過去12個月平均計，工聯會喺十大政團中就有50.1分，表現最好。


港大民調「十大政團」揭盅

對比3個月前，十大政團有5個評分上升，5個下跌，不過，只有民建聯跌幅超過抽樣誤差，跌咗2.8分。新民黨就重新躋身十大政團，排名第5，取代街工成為十大政團。民協、職工盟、工聯會、公民黨喺最新調查分列第1名至第4名。喺今次調查，港大先訪問咗1027名市民，揀出12個最「出名」嘅政團，再喺2月22至25日訪問1009人，請佢哋為12個政團評分，最終選出十大政團。好似街工咁，雖然評分連續兩次最高，但因為知名度不足，最終都拋出十大政團。