呂新華：當時很生氣

【明報專訊】全國政協大會新聞發言人呂新華前幾日被香港記者追問佢點樣評價梁振英時，批評記者「不平和」，佢噚日就向Emily等行家解釋，當時「香港記者就瞟上（盯上）我了」，訪問佢嘅時候記者個「咪牌」仲「隊」到佢右邊臉，佢背後個攝像機、線等亦撞倒佢個頭，佢當時想撥又撥唔開，但又有記者大叫「你不能走！不能走！」，呂新華話當時「我很生氣」，「沒有這樣的，這完全是不懂事的小孩子們」。


被攝像機撞頭 記者喊「你不能走」

呂新華話當時有其他會要開，如果心平氣和同佢講，佢會重視，亦可以另外約時間傾，但記者不能強制要他回答。呂新華又話，自己喺年廿八（2月8日）先知道要做政協發言人嘅消息，要經過培訓、準備大量資料先可以上任，明年係唔係佢繼續做，家仲未知。