《人民日報》拆解港女「北嫁」

【明報專訊】香港女多男少，《人民日報》海外版噚日報道〈每10對新人有一對屬港女嫁內地郎 為什麼港女愈來愈願意『北嫁』〉，即本港去年5.6萬宗結婚登記，逾5400宗登記嘅新郎係內地人，其中仲匿名引用「香港專業婚姻顧問」，話係因為「部分港男不思進取，內地男愈來愈優秀及富有」，隨即引起網民熱烈討論。


報道除咗匿名引用顧問意見，另外具名引述婚姻中介公司「聚緣坊」負責人鄭莉莉意見。鄭莉莉噚日同Emily講，唔係港男不思進取，但好多內地男士的確質素高，變相香港女仔多咗機會，亦願意嫁去內地。


從事性別研究嘅中大社會學系教授蔡玉萍就話，的確多咗香港女性同內地男性結婚，但唔認為港男不思進取。蔡玉萍話，香港女仔揀內地男，部分原因係女性北上工作機會多咗，另一原因係女性觀念唔同咗，例如伴侶唔一定比自己有錢或者叻。