彭清華請人代去廣西

【明報專訊】前中聯辦主任彭清華去年底突然調到廣西壯族自治區做書記，據聞當時離開香港都好匆忙，唔少建制派老朋友都未及歡送佢。身兼廣西人大常委會主任嘅彭清華，仍然心繫港區人大代表，噚日人大代表去人民大會堂開會，同佢識咗好耐嘅港區人代，紛紛同佢影相留念。到咗下午，港區人代返回北京飯店開會，彭清華就專門過嚟探朋友。


突訪港區人代

人代馬逢國會後話，佢哋開會時，彭清華突然現身，仲同中聯辦主任張曉明並排而坐。馬逢國引述彭清華話，要嚟探望大家表達關心、問候，又邀請大家有時間去廣西探佢，佢一定會接待大家，仲話要令大家更了解廣西。