浸會醫生獲「字體最清晰獎」

【明報專訊】唔少中醫同西醫寫字寫到鬼畫符咁，冇人睇得明。Emily喺網上見到香港浸信會醫院頒咗個「醫生字體最清晰獎」畀姚志鵬醫生，引嚟唔少網民討論及留言，有人話醫生寫字太潦草，護士可能睇唔明執錯藥，最後累死人，話應該將個獎引入到所有醫院喎。Emily打去問咗浸信會醫院，佢哋話呢個獎係鼓勵吓啲聯繫醫生，Emily再上網睇睇得獎醫生係邊個，發現姚醫生原來係一名外科專科醫生。