科大陳繁昌﹕我係upper middle class

【明報專訊】呢兩日唔少巿民為自己係唔係中產大發議論，年薪逾405萬嘅科大校長陳繁昌，噚日出席春茗時就話自己係「Upper Middle Class」。佢承認自己唔算窮唔係基層，但又未至於富豪級數，喺咁嘅情况下都算係中產。不過佢話，外國對中產分級再細緻啲，以佢為例，應該算係中產嘅上層（upper middle class）。


身兼消委會主席同港區人大代表嘅科大副校長黃玉山就話，打算喺兩會提案，設立內地來港旅行團電子資料庫，將所有內地團嘅資料，例如有無喺內地旅遊局註冊、有無喺香港訂酒店等資料放上去，畀中港兩邊政府可以睇到，避免世通事件重演。