投資者教育中心出App助驗財務

【明報專訊】猶記得小琴第一筆投資的本金，係靠儲蓄而嚟，所以投資的基本步一定係由精明理財開始。小琴最近上網發現，投資者教育中心推出咗一系列互動工具，可以幫小琴「驗身」睇吓財務狀况夠唔夠健康，又計埋家份私己錢夠唔夠退休之用。


投資者教育中心深明小琴同一眾香港人都係手機不離手，仲整咗個流動應用程式（App）「IEC收支管家」，等大家每日記低開支，制訂每月預算，的確可以幫助大家培養出理財的好習慣。


小琴用呢個計算機時，都有驚過會唔會到頭來推介啲咩產品，因市面上其他金融機構推出的計算機，好多用家都會話用的時候彈出好多廣告宣傳。不過投資者教育中心係證監會的附屬機構，呢個計算機的分析報告結果雖然比較籠統，但絕對無廣告成分，大家可上http://www.hkiec.hk/calculators 睇睇呢。


[小琴密語]