藝發局：評審過程不具名

【明報專訊】藝術發展局今年首度舉辦嘅「ADC藝評獎」惹來滿城風雨，多名評審人被指認識得獎嘅北京評論員賈選凝。藝發局噚日出稿回應，強調為達至公平公正，所有參賽者文章均以「不具名方式及打印本」交評審團，評審喺整個評審過程無從得知參賽者身分，只係根據參賽作品水平及質素評分。今次收到60份參賽作品，參賽者須係18至40歲香港巿民。


賈喺作品提及《低俗喜劇》以「低俗性」來偷換「本土性」，電影男主角杜汶澤噚日喺facebook貼出該電影喺金像獎嘅入圍證書，留言「鼓勵和壓力是一線之差，只想自己能夠做到好好珍惜當下。更希望我今後能在搵到兩餐溫飽之餘，亦可以為本地電影再爭一口氣」。