房署新舊高官聚首一堂

【明報專訊】蛇年伊始，房屋署長栢志高搞咗個新舊人聚會。佢喺網誌話，有一位愛丁堡大學教授來訪，正就全球大型房屋項目進行研究，對香港大型房屋發展嘅成就尤感興趣。栢志高話，本港公營房屋發展60年以來，成功背後有一批重要人物，所以趁新年請咗一班前任房屋署長及房委會主席聚首一堂食飯兼同教授見面，佢哋亦可以寓聚舊於交流。


栢志高雖然係講英文人，但都話呢這次聚會令佢想起一句古語︰「苟不以古為鑑，勢必重蹈覆轍」。佢話前任署長及房委會主席，致力推展公營房屋計劃，以達至世界級水平，貢獻良多，可從佢哋嘅經驗中學習。公營房屋發展邁向60周年，佢希望香港繼往開來，迎難而上。