翡翠台唔播預算案論壇

【明報專訊】財爺曾俊華今朝公布財政預算案，並會喺今晚7點出席電子傳媒合辦嘅論壇，回應記者提問。不過，身為全港第一大台嘅無綫，冇計劃喺免費台翡翠台播放節目！


無綫﹕純粹節目編排 互動台直播

原來，今年論壇節目由有線電視製作，用嘅係4﹕3嘅畫面格式，而無綫同亞視就用開16﹕9嘅格式。Emily聽聞，雖然係麻煩啲，但無綫就到目前就扭計話唔想用，相反亞視就好乖咁照用如儀。有政界人士估計，呢啲節目未必人人睇，但喺免費電視發牌戰呢個敏感時刻，無綫唔播呢類涉及公眾利益嘅節目，好可能會被人趁機投訴喎，無綫今次可能係畀位人鬧。


無綫外事部副總監曾醒明解釋，其實無綫上年開始已經無播財政預算案論壇，純粹因為節目編排，強調無綫嘅互動新聞台會直播，觀眾一樣可以睇到咁話。