陳智思八旬媽媽省鏡

【明報專訊】行政會議成員陳智思平日感覺好sporty，其實佢大學係讀藝術畢業嘅，星期六起佢會同媽咪陳沈時芬、侄女陳曉鈴一齊搞陳氏三代藝術展，不過陳智思話主角係佢媽咪，因為陳太展出作品達百幾幅，佢自己只得24幅啫。


畫畫係保青春法術

陳媽媽已經80歲，外表仍然青春，佢話自己30幾歲開始學油畫，之後亦學過瓷畫、山水畫等，每樣都學至少10年，其中山水畫有20年功力。佢話畫畫係佢保持青春嘅法術，因為可以令人心境平靜，人都後生啲。至於陳智思自己，喺大學時就自創用塗改液點畫，為咗今次藝術展亦特別畫咗幾幅，好似畫辣椒、竹咁，雖然每幅畫都有好多點，但佢話其實一支塗改液可以畫到9幅畫咁多。


呢個藝術展今個月16至21日喺中環大會堂展出，18號會舉行開幕儀式，中聯辦主任張曉明、外交部駐港特派員公署特派員宋哲、國僑辦主任李海峰、政務司長林鄭月娥等都會出席，可見陳氏家族喺政壇幾有地位。