龍應台想瞓覺多過寫作

【明報專訊】台灣文化部長龍應台訪港6日，睇吓香港文化產業發展，又同藝術工作者交流，對於港人嚟講，龍應台最出名嘅一定係佢嘅著作，好似《大江大海一九四九》，相信唔少人都有睇過。噚日龍應台喺離港前同傳媒朋友聚會，天南地北暢談一番。有記者問龍應台有咩寫作計劃，佢嘅答案可能令一眾fans失望，因為佢話家好忙，如果有時間，最想嘅係「瞓覺」，寫作嘅事日後再諗。


雖然龍應台係官員，但對記者十分親切，一到場就同約30個記者逐個握手甚至傾幾句。佢知記者想多交流，所以無咩開場白，好快進入提問環節，呢啲安排絕對唔係特區政府高官做得到。


與記者簽名合照

龍應台有求必應，喺聚會完結同鏡頭背後，唔少記者排隊拎出帶嚟嘅龍應台著作，希望得到親筆簽名。龍應台好開心咁慢慢簽，仲同記者合照