《帝女花》紅館萬人合唱

【明報專訊】「落花滿天蔽月光，借一杯附薦鳳台上……」粵劇戲寶《帝女花》家傳戶曉，保良局今年成立嘅「保良局粵劇發展基金」，下月10號（周六）會喺紅館舉行慈善粵曲演唱會，主題「萬人齊唱帝女花任白夜」，到時台上台下將一齊創造最多人合唱粵曲嘅創舉！前立法會議員劉千石（左二）係白雪仙老友記，噚日都有出席記者會幫手宣傳。當日門券分420、320、220及100元4種，於城市電腦售票網公開發售，所有善長捐出嘅款項會全數撥入基金，培育新一代粵劇人才。