限量版MacBook義賣

【明報專訊】蘋果最近推出iPhone 5，但功能上毫無新意，令唔少「果迷」大失所望，於是懷念去世一年的蘋果創辦人喬布斯。最近有人以理工大學設計學院學生麥俊（Jonathan）上年悼念喬布斯、將教主剪影同蘋果商標融合嘅標誌，做咗3部限量版蘋果手提電腦（MacBooks）喺網上慈善拍賣，同時向喬布斯致敬。


Emily問過Jonathan，佢話呢部特別版電腦唔係蘋果官方產品，係由一個荷蘭人自行用蘋果電腦製作，由於係慈善用途，所以同意對方咁做。


網上拍賣底價9.5萬

講番部限量版電腦，頂蓋刻有Jonathan設計嘅悼念標誌，底部就刻上喬布斯嘅名言。每部電腦底價9500歐元（約9.5萬港元），硬件相若嘅電腦本港蘋果專門店約售1.7萬港元，拍賣所得扣除成本後，將平均捐畀getitdone.org同sellanapp.com兩個非牟利網站。


有興趣競投嘅讀者，可登入網站（http://uk.ebid.net）了解詳情。