張大千畫展

【明報專訊】國畫大師張大千為人慷慨、重情義，不吝嗇向親朋好友贈字送畫，與大師深交嘅朋友，獲饋贈嘅字畫特別多。香港蘇富比將以此為題，喺下月5日至8日嘅秋季拍賣會期間，同「游藝堂」合辦「情義之交——游藝堂藏張大千書畫展」，喺會展展出多幅珍貴作品，公眾可免費入場。


畫展將展出近百幅由收藏家唐楚男及蔡克昭80年代起收藏嘅張大千作品，包括《婀娜娉婷》、《觀音像》和《自畫小像》等，唔少係當年張大千為至親好友而畫。作品除咗體現畫家嘅藝術造詣，策展人亦希望，看畫者可以感受大師同摯友間嘅深厚情誼，展覽中有部分作品更係首次公開，喜歡賞畫嘅讀者記住留意喇！