黃遠輝劉國裕 重返房委會

【明報專訊】房屋係梁振英政府施政重點之一，佢搵咗張炳良掌運輸及房屋局後，執行居屋同公屋政策嘅房委會裏面當然要有自己友啦。政府噚日宣布，房委會再加入黃遠輝同劉國裕兩個委員，佢哋曾經係活躍嘅房委會委員，同過張炳良或梁振英共事。據Emily所知，黃遠輝仲會做埋房委會嘅資助房屋小組委員會主席，主要負責公屋同居屋政策。


其實，黃遠輝以前係工銀亞洲董事兼副總經理，舊年3月離開房委會，最後嘅職位係房委會財務小組主席，相隔年幾返番房委會。劉國裕係城大公共及社會行政學系副教授，專長房屋研究，佢多年前曾長時間做房委會委員，梁振英競選特首時，佢係梁營房屋政綱嘅主要諮詢人之一。