黃錦康新搞作 教人先了解後投資

【明報專訊】噚日小琴收到一幅神奇的邀請信，話要去參加一個「中華國際先了解後投資促進會（CIAPIE）」嘅成立典禮暨記者會，小琴見到個名水蛇春咁長，真係頭都大埋，完全估唔到個會究竟做啲乜，細心一睇，先知原來係由一向好玩得嘅黃錦康（Albert）創立嘅。


小琴好奇就打電話去問Albert有乜新大計，佢就大賣關子、懶神秘咁話「到時就知」，仲叫小琴記得要準時出席㖭。話時話，Albert自從5月初辭去美聯（1200）副主席及執行董事職務後，一直動作多多，早一排先推出DVD傳授太極拳精粹，更喺廣告中親身上陣，表演「應肚即飛」，引起全城熱話，小琴睇完先知道原來佢真係深藏不露嘅武林高手。