送酒補鑊 對面不相見

【明報專訊】陳山聰與樂易玲昨晚巧合齊聚銅鑼灣。樂易玲開生日派對，陳山聰則與女友何超雲在對面的意大利餐廳與友人食飯。被問到在微博向樂易玲發炮時，陳山聰一度黑面，其後送酒給樂小姐補鑊。


聞暗窒不悅黑面

昨晚9時許，陳山聰與何超雲應記者要求步出餐廳冒雨拍照，陳山聰開玩笑說﹕「我來慶祝8號風球！」記者告知樂易玲在對面開生日會，他驚訝說﹕「吓，你幫我講聲生日快樂。」問他為何不親自去講？他即扁嘴說﹕「你幫我講啦！」超雲解圍說﹕「有朋友在入面。」再問陳山聰有關微博暗窒高層的留言，他聞言顯得不悅黑面，轉身返入餐廳不作回應。不過相隔一會，他叫人送支酒過去給樂易玲，似藉此補鑊。


記者﹕李潔盈