新聞類別
財經
詳情#
【明報專訊】恒大地產（3333）主席許家印早排畀Citron份報告激到紮紮跳，仲揚言造謠嗰個人要拎去槍斃。前日佢終於又開始新一輪托股價嘅「復仇行動」，用1068萬增持270萬股，每股作價3.956元，仲話已經準備好2.5億元嘅資金，分開25日慢慢入巿咁話。不過，咁嘅注碼，看來不易「挾爆」沽空客。
睇落主席好似雄心壯志，不過分開25日入巿托價，每日都只係使1000萬，相比起恒大家陣成600幾億市值，好似有點杯水車薪喎。之所以話係新一輪托價行動，因為舊年年中恒大曾經被對冲基金狂沽，令到恒大舊年6月嘅股價跌幅係內房股之冠，公司於是喺舊年7月中，一日之內「豪掟」6.56億入巿，一口氣回購1.1億股，當日股價即時被推高7%。當時公司仲話預備咗50億入巿。相比之下，今次主席嘅托巿規模得番廿分之一，似乎度縮咗啲喎。
去年曾單日斥逾6億入市
除咗入巿規模之外，今次入巿嘅價位亦都冇上次咁進取。Citron報告上星期四公開流傳之後，恒大股價即跌17%，由4個半跌到落3個7，下晝曾經上返4個零6，不過主席仍然無增持，係都要等多幾日，股價喺4蚊樓下徘徊咗一排，去到前日先入巿。相對於早前用5.8元至6元左右大手回購，今次跌到4蚊左右都仲係細細注，唔知係咪公司錢可以特別疏爽，自己錢就要惜住荷包、計過度過呢？
email:piano@mingpao.com
睇落主席好似雄心壯志，不過分開25日入巿托價，每日都只係使1000萬，相比起恒大家陣成600幾億市值，好似有點杯水車薪喎。之所以話係新一輪托價行動，因為舊年年中恒大曾經被對冲基金狂沽，令到恒大舊年6月嘅股價跌幅係內房股之冠，公司於是喺舊年7月中，一日之內「豪掟」6.56億入巿，一口氣回購1.1億股，當日股價即時被推高7%。當時公司仲話預備咗50億入巿。相比之下，今次主席嘅托巿規模得番廿分之一，似乎度縮咗啲喎。
去年曾單日斥逾6億入市
除咗入巿規模之外，今次入巿嘅價位亦都冇上次咁進取。Citron報告上星期四公開流傳之後，恒大股價即跌17%，由4個半跌到落3個7，下晝曾經上返4個零6，不過主席仍然無增持，係都要等多幾日，股價喺4蚊樓下徘徊咗一排，去到前日先入巿。相對於早前用5.8元至6元左右大手回購，今次跌到4蚊左右都仲係細細注，唔知係咪公司錢可以特別疏爽，自己錢就要惜住荷包、計過度過呢？
email:piano@mingpao.com
回應 (0)
