大新卡簽帳 捐助兒童院

【明報專訊】大新銀行噚日宣布，會將部分信用卡簽帳收入用嚟資助聖公會聖基道兒童院，幫小朋友搞興趣班，仲請咗呢期僭建事件嘅風雲人物Hello Kitty做活動嘉賓，得在場嘅小朋友相當開心。


大新信用卡業務主管莊麗蓮喺活動上話，雖然呢排個巿唔係咁好，但係都無損香港人消費嘅興致，今年第一季大新信用卡簽帳額按年增加25%，高過巿場嘅平均數16%；每個客戶嘅平均應收帳款就增加10%，亦都高過巿場嘅8%增長。表現似乎相當唔錯，所以大新都話，今年目標信用卡盈利可以有雙位數增長。至於今個星期五推出嘅國債，大新亦都會推出五免優惠。