陳董裝修 雷霆派糉

【明報專訊】作為商業機構，除咗要多做生意同為股東賺取最大利潤之外，也要履行社會責任，多做善事，回饋社會。近月新聞多多嘅新鴻基地產（0016），佢哋多名執董，近期紛紛做義工，其中執董兼首席財務總監陳國威，早前變身裝修師傅，同埋班新地義工，分組到訪九龍城東匯邨受重建影響嘅獨居及雙老長者，為佢哋剛收樓嘅單位檢查窗戶同門鎖等，重帶備裝修材料，為長者新居「瞓身」鋪上地板、安裝燈泡。


陳董喺內地出生，幼時住彩虹邨，係基層出身，畢業後做過酒店裝修，今次可說是重操故業。佢做過多份職業，包括恒生銀行（0011）高層，年前才加入新地。


樓神向老人派糉賀節

另一位擅長賣豪宅的執董雷霆，以及新地老臣子黃植榮近日亦帶埋班新地義工去到馬鞍山、香港仔同深水埗進行探訪活動，並送出近3500隻糉畀獨居及雙老長者、露宿長者、智障人士及低收入家庭等，令佢哋分享端午節嘅節日氣氛，除了帶備應節食品探訪外，佢哋還花盡心思，送上龍舟紙藝，或即場表演扭氣球絕技，一起慶祝佳節。


聽講，兩位執董做義工當日，下着滂沱大雨，而所謂水為財，吉兆也。


email:piano@mingpao.com