新聞類別
財經
詳情#
【明報專訊】東瀛「神級」愛情電影《情書》當中經典一幕，要數高中年代做過圖書館管理員嘅女主角藤井樹，畢業多年後發現男主角同學仔藤井樹喺圖書館嘅借書卡上，畫咗女主角個樣。現實世界入面，類似嘅浪漫橋段，竟然發生喺財經事務及庫務局長陳家強身上。陳太咪呷醋住，皆因事件另一個主角係陳家強個孻仔！
話說局長上周飛咗去美國，參加孻仔大學畢業典禮。陳局長兩個囝囝都喺芝加哥大學讀書，孻仔讀經濟，即係同陳局長當年一樣。早喺陳局長飛過大西洋之前，陳囝囝就發咗個短訊及相片畀局長，原來陳囝囝喺芝大圖書館摷番局長30年前嘅畢業論文出來，仲喺個短訊度讚佢篇論文寫得幾cool，局長當堂冧晒。
讚囝囝醒 唔會當官
唔止咁，當陳家強去到芝加哥陳囝囝住嘅地方，佢囝囝二話不說畀咗啲嘢局長，原來就係嗰篇論文！不過陳囝囝今次就幽局長一默，話篇論文其實都幾simple。Cool又好simple又好，陳局長好鬼受落，直認不諱話為個仔感到驕傲，仲話佢囝囝醒過自己，所以唔會做官喎。
至於陳局長究竟會唔會過渡去新政府，陳局長堅決封嘴，頭痕友話唔少高官已陸續同傳媒朋友farewell，例如食物及衞生局局長周一嶽，而陳局長今時今日都冇搞呢啲活動，答案昭然若揭。
email:piano@mingpao.com
話說局長上周飛咗去美國，參加孻仔大學畢業典禮。陳局長兩個囝囝都喺芝加哥大學讀書，孻仔讀經濟，即係同陳局長當年一樣。早喺陳局長飛過大西洋之前，陳囝囝就發咗個短訊及相片畀局長，原來陳囝囝喺芝大圖書館摷番局長30年前嘅畢業論文出來，仲喺個短訊度讚佢篇論文寫得幾cool，局長當堂冧晒。
讚囝囝醒 唔會當官
唔止咁，當陳家強去到芝加哥陳囝囝住嘅地方，佢囝囝二話不說畀咗啲嘢局長，原來就係嗰篇論文！不過陳囝囝今次就幽局長一默，話篇論文其實都幾simple。Cool又好simple又好，陳局長好鬼受落，直認不諱話為個仔感到驕傲，仲話佢囝囝醒過自己，所以唔會做官喎。
至於陳局長究竟會唔會過渡去新政府，陳局長堅決封嘴，頭痕友話唔少高官已陸續同傳媒朋友farewell，例如食物及衞生局局長周一嶽，而陳局長今時今日都冇搞呢啲活動，答案昭然若揭。
email:piano@mingpao.com
回應 (0)
