新聞類別
財經
詳情#
【明報專訊】小琴近日聽人講秋官（鄭少秋）套新劇《心戰》非常得，唔少行家晚晚放工返去都要煲劇，話時話秋官個「丁蟹效應」咁出名，都要多得里昂證券喺2004年出咗份研究報告，令到丁蟹效應衝出香港。里昂噚日仲話，自己搵到個「加強版」formula（公式），要研究埋套劇啲內容，如果係悲劇，股市跌得仲勁，仲預計恒指會跌到17,650點。
又要嚟同大家溫吓書啦，喺1992年套《大時代》，秋官扮演大名丁蟹嘅炒家，佢經常喺熊市中狂沽恒指而獲利，咁啱當時香港股市暴跌兩成，股民身家唔見一截，從此「丁蟹效應」一詞面世，之後廿年，幾乎每當秋官新劇播放時，股票市場也都應聲大跌。里昂就計過，秋官之後主演嘅18套電視劇，其間恒指高達70％時間下跌，平均跌幅達6.6％，認真唔講得小。有咁優良往績，今次秋官出場，依然「寶刀未老」。《心戰》上演當日（5月21日）就撞正事隔54年先再出現一次的日環食「凶兆」，同時，計番5月2日預告片首播當日的21,309點，到噚日嘅19,026點，恒指已經跌咗一成！
預告片首播至今 跌咗一成
里昂證劵噚日就揚言，恒指會喺直至6月29日大結局期間，再跌6％，低見至17,650點，仲要足足3個月時間療傷先可升番原來水平，究竟準唔準，咁就要拭目以待啦。
email:piano@mingpao.com
又要嚟同大家溫吓書啦，喺1992年套《大時代》，秋官扮演大名丁蟹嘅炒家，佢經常喺熊市中狂沽恒指而獲利，咁啱當時香港股市暴跌兩成，股民身家唔見一截，從此「丁蟹效應」一詞面世，之後廿年，幾乎每當秋官新劇播放時，股票市場也都應聲大跌。里昂就計過，秋官之後主演嘅18套電視劇，其間恒指高達70％時間下跌，平均跌幅達6.6％，認真唔講得小。有咁優良往績，今次秋官出場，依然「寶刀未老」。《心戰》上演當日（5月21日）就撞正事隔54年先再出現一次的日環食「凶兆」，同時，計番5月2日預告片首播當日的21,309點，到噚日嘅19,026點，恒指已經跌咗一成！
預告片首播至今 跌咗一成
里昂證劵噚日就揚言，恒指會喺直至6月29日大結局期間，再跌6％，低見至17,650點，仲要足足3個月時間療傷先可升番原來水平，究竟準唔準，咁就要拭目以待啦。
email:piano@mingpao.com
回應 (0)
