蒙牛學唱中糧之歌

【明報專訊】小琴前兩日去咗內蒙古大草原歎世界，仲特登返番幾年前參觀過嘅蒙牛（2319）和林總部生產車間同牧場，想睇吓啲牛牛有冇大隻咗。結果呢，啲奶牛就仲係咁嘅款，不過隻「蒙牛」就似乎真係有變化啦。話說小琴喺蒙牛最新一期內部刊物《蒙牛足跡》上面發現，原來蒙牛員工正準備學唱中糧（0606）「公司之歌」，仲話同「阿媽」嘅理念有共鳴。


不單止咁，小琴拿份最新嘅《蒙牛足跡》同舊年9月出版嗰期比較下，發覺之前個份連「中糧」字眼都搵唔到，最新個份就分別喺封面同封底大大隻字介紹話，蒙牛近期積極參加咗中糧年會同運動會，仲畀阿媽表揚、得到不少獎項