新聞類別
財經
詳情#
【明報專訊】每次行過尖沙嘴廣東道，都會見到有唔少內地旅客，喺LV或者Gucci門口大排長龍，雖然最近已經少咗，但內地人對呢啲名牌子嘅喜愛程度，相信大家都唔會懷疑。
不過路透社報道，內地富人品味有變，原因係內地通街都可以見到有人用LV，仲誇張到話普通家傭都可以買到！用名牌嘅人，多數都唔會想同人「撞袋」，所以內地人已經轉戰其他名牌，例如Hermes同Chanel等，話因為有比較多限量款，而且價錢亦都貴啲，所以唔會賣到成行成巿。有公司統計，Hermes喺內地嘅客量已經多咗一倍。Hermes就話佢哋係內地的成功，因產品較有內涵，沒有那麼大眾化。
家LV喺內地有38間分店，發言人話佢哋嚟緊會喺上海新地標、浦西嘅Plaza 66開店，話可以奠定佢哋領導潮流嘅地位，不過佢哋同時都會控制分店嘅數目，費事做得太濫。
內地奢侈品市場將超美日
最近幾年，中國已經成為名牌嘅戰場。歐洲受到歐債危機影響，美國經濟增長又放緩，奢侈品巿場增長有限。相反，隨住中國呢10年經濟快速發展，統計公司Bain指今年內地奢侈品巿場增長可以去到兩成，3年之內仲可以超越美國同日本，成為全球最大嘅奢侈品巿場，每年會使1800億人民幣喺奢侈品上。咁講法，唔怪得所有外名牌國都實中國啦。
email:piano@mingpao.com
不過路透社報道，內地富人品味有變，原因係內地通街都可以見到有人用LV，仲誇張到話普通家傭都可以買到！用名牌嘅人，多數都唔會想同人「撞袋」，所以內地人已經轉戰其他名牌，例如Hermes同Chanel等，話因為有比較多限量款，而且價錢亦都貴啲，所以唔會賣到成行成巿。有公司統計，Hermes喺內地嘅客量已經多咗一倍。Hermes就話佢哋係內地的成功，因產品較有內涵，沒有那麼大眾化。
家LV喺內地有38間分店，發言人話佢哋嚟緊會喺上海新地標、浦西嘅Plaza 66開店，話可以奠定佢哋領導潮流嘅地位，不過佢哋同時都會控制分店嘅數目，費事做得太濫。
內地奢侈品市場將超美日
最近幾年，中國已經成為名牌嘅戰場。歐洲受到歐債危機影響，美國經濟增長又放緩，奢侈品巿場增長有限。相反，隨住中國呢10年經濟快速發展，統計公司Bain指今年內地奢侈品巿場增長可以去到兩成，3年之內仲可以超越美國同日本，成為全球最大嘅奢侈品巿場，每年會使1800億人民幣喺奢侈品上。咁講法，唔怪得所有外名牌國都實中國啦。
email:piano@mingpao.com
回應 (0)
