恒隆辦比賽 利誘員工獻計

【明報專訊】恒隆地產（0101）早前公布公司新口號「只選好的 只做對的」，但點樣先可以做到又好又對？多聽前線員工嘅意見，比單靠高層閉門造車，自然更為有效。恒隆噚日就公布，特別推出「點點心思 推動恒隆」嘅比賽，歡迎所有同事，特別係前線員工積極參加。


比賽方法，就係由同事就點樣提升顧客體驗提出實質建議，每人最多可遞交3份參加表格，集團傳訊部將選出20名入圍者，然後由評審團﹕包括租務及銷售董事陳碧華、租務及銷售助理董事張錦齡、租務及銷售助理董事王裕強、集團事務助理董事蔡碧林，以及由集團傳訊助理董事關則輝作進一步評分，最後選出冠、亞、季軍共6名，得獎者除咗可以獲得現金獎作鼓勵外，有關建議將有機會呈交畀相關部門商討實施。


進步來自批評與自我檢討，信焉!