LME消息 成港交所股價瀉藥

【明報專訊】港交所（0388）一直被批評買倫敦金屬交易所（LME）出價太高。噚日有報道指，收購已經接近最後階段。


雖然未肯定港交所一定買到LME，但噚日股價即刻應聲跌3蚊。根據以往經驗，每次傳出港交所收購LME嘅有利消息，港交所股價都會大跌。


大摩出報告 看淡收購效益

今個月已經試過兩次，喺月中同埋5月底嘅時候，分別傳出同港交所爭購LME嘅對手退出，港交所當日股價分別跌2.2%同3.8%，即係單日都跌成兩個半同埋4蚊。


大摩尋日亦都喺報告度指出，港交所買LME初期未咁快有盈利貢獻，即係每股盈利將會被攤薄；亦都未知收購之後可唔可以同現有業務產生協同效應，但成本就一定會上升；股巿疲弱亦都會影響收入，總之就唔睇好港交所股價發展。