新聞類別
財經
詳情#
【明報專訊】英超、西甲已經唞暑，邊隊奪冠邊隊降班亦都塵埃落定，賭波嘅朋友當然有人歡喜有人愁，不過小琴覺得，就算特步（1368）老總丁水波冇賭波習慣，但見到兩大聯賽嘅賽果，應該都會心傷。
維拉利爾1分之差降班
冇辦法啦，事關特步去年宣布贊助西甲球隊維拉利爾，為期5年，每年贊助費大約1000萬，但唔知係特步唔好彩定維拉利爾唔好彩，呢支球隊季初係威係勢打歐聯，點知季尾要為護級奮戰。
西甲煞科日，原本只要打贏就鐵定保住西甲一席位嘅維拉利爾，主場0：1不敵馬德里體育會，咁都算啦，偏偏同日另一隊薩拉戈薩打贏咗，結果維拉利爾僅以一分之差而要降班到西乙。
其實特步都算冇乜贊助命，前年佢哋同楊家誠簽咗5年約贊助伯明翰，係第一次贊助球隊，點知嗰年伯明翰就要從英超降落英甲，但勢估唔到特步第二次諗住贊助維拉利爾唔會出事，結果都係一樣。
網友指Logo誤事 特步老闆叫「水波」
最慘係，丁水波曾經話過，如果今年伯明翰升唔返上英超就要終止贊助，結果點？伯明翰咪響升班附加賽輸畀黑池，臨門一腳升唔到班囉。
究竟特步點解贊助邊隊就衰邊隊呢？有網友就分析咗一個好重要嘅原因。
個網友話，人地Nike贊助親都係冠軍球會，點解呢？因為人地個Logo係一個「ˊ」；咁點解特步贊助親嘅球隊最後都要降班？因為特步個Logo係一個「X」，又或者，同公司老闆個名叫「水波」也有關係。
email:piano@mingpao.com
維拉利爾1分之差降班
冇辦法啦，事關特步去年宣布贊助西甲球隊維拉利爾，為期5年，每年贊助費大約1000萬，但唔知係特步唔好彩定維拉利爾唔好彩，呢支球隊季初係威係勢打歐聯，點知季尾要為護級奮戰。
西甲煞科日，原本只要打贏就鐵定保住西甲一席位嘅維拉利爾，主場0：1不敵馬德里體育會，咁都算啦，偏偏同日另一隊薩拉戈薩打贏咗，結果維拉利爾僅以一分之差而要降班到西乙。
其實特步都算冇乜贊助命，前年佢哋同楊家誠簽咗5年約贊助伯明翰，係第一次贊助球隊，點知嗰年伯明翰就要從英超降落英甲，但勢估唔到特步第二次諗住贊助維拉利爾唔會出事，結果都係一樣。
網友指Logo誤事 特步老闆叫「水波」
最慘係，丁水波曾經話過，如果今年伯明翰升唔返上英超就要終止贊助，結果點？伯明翰咪響升班附加賽輸畀黑池，臨門一腳升唔到班囉。
究竟特步點解贊助邊隊就衰邊隊呢？有網友就分析咗一個好重要嘅原因。
個網友話，人地Nike贊助親都係冠軍球會，點解呢？因為人地個Logo係一個「ˊ」；咁點解特步贊助親嘅球隊最後都要降班？因為特步個Logo係一個「X」，又或者，同公司老闆個名叫「水波」也有關係。
email:piano@mingpao.com
回應 (0)
